ရေ..လေနှင့် ကမ်းလင့်မည့်လက်များ

ပတ်ဝန်းကျင်တစ်ခုလုံးကို မှုန်မှိုင်းနေလောက်အောင် ဖုန်တွေ ထူနေသည်။ လေထုထဲတွင် ဖုန်မှုန်များ ပျံ့လွင့်နေသည်မှာ နီကျင်ကျင် ရောင်ပင် ပေါက်နေတော့သည်။ ကြည့်လေရာရာ ပတ်ဝန်းကျင်တစ်ခုလုံးသည် ခေတ်၏ ပြယုဂ်လေလား။ ကွေ့ကောက်စွာစီးဆင်းနေသော ဥရုချောင်းရေပြင်သည် ဟိုနား ရေကျဲကျဲ သည်နား ရေကျဲကျဲ။ နောက်ကျိနေသော ရေပြင်တွေ အမှိုက်သရိုက်များနှင့် ရောပြွန်းနေသည်။ ဥရုရေသည် သောက်သုံးရန် မသင့်ဟု သိရတော့ ၀မ်းနည်းချင်ချင်။ တစ်ချို့နေရာများတွင် လူအများဖြတ်ကူး၍ရလောက်အောင် ဒူးခေါင်သာသာ သာလျှင် အနက်ရှိသည်။ တစ်ချို့နေရာများတွေတော့ မြေသယ်ယာဉ်ကြီးများ ဥဒဟို ဖြတ်သန်းသွားလာနိုင်နေပြီ။

ဥရုချောင်းတစ်နေရာအား အပေါ်စီးမှကြည့်လျှင် ချောင်းနှင့်ပင်မတူတော့ပဲ မြောင်းတစ်ခုပမာ မြင်နေရသည်။ ဥရုချောင်း ၀ဲယာတွင်တော့ ကျောက်စိမ်းထုတ်လုပ်ရေး ကုမ္ပဏီများ၏ မြေသယ်ယာဉ်များက လူးလားခေါက်ပြန် မြေစာသွန်နေကြသည်။ ထို မြေစာသယ်ယာဉ်တန်းကြီးကိုကြည့်ရသည်မှာ ပုရွက်ဆိတ်ကလေးများ စီတန်း သွားလာနေသကဲ့သို့ပင် ထင်မြင်မိရသည်။ အမှတ်တံဆိပ်အမျိုးမျိုးသော ကုမ္ပဏီထုတ်မြေစာသယ်ကားကြီးများသည် သူ့ထက်ငါ အလှချင်း၊ စွမ်းဆောင်ရည်ချင်း ပြိုင်နေကြသည်ပမာနှယ် ရှိချေသည်။

ထို လမ်းမကြီးများ ဘေးက ရင်သပ်ရှုမောဖွယ် ကောင်းသော တောင်ဆင်းတောင်တက် မြေစာသယ်ပို့နေကြပုံတွေ၊ ရုတ်တရက် မတော်တဆတိုက်ခိုက်မှုများကြောင့် သေကျေကြပုံတွေက မှတ်တမ်းတင် ရုပ်ရှင်ကားတစ်ကားကို ပြသနေသလိုပင်။

နွေဦးရာသီ အစတွင်ပင် ခြောက်သွေ့နေသော ကျောက်စိမ်းရင်ခွင်တွင် နီကျင်ကျင်ဖုန်လုံးများကြောင့် လေထု ညစ်ညမ်းနေလေပြီ။ ဥရုချောင်းရေပြင်ကလည်း မရှိမဖြစ်၍သာ သောက်သုံး၊ နေကြရသော်လည်း မသတီချင်စရာကောင်းနေသေးတော့သည်။ ကမ်းနဖုးထက်တွင်တော့ ရေတုံကင်လေးများ အစီအရီ။ ချောင်းရေရှိပါလျှက်နှင့် ကမ်းနဖူးပေါ်က အ၀ီစိရေတုံကင်ကို အားထားနေရသည့် ဒေသခံများကိုတော့ ၀မ်းနည်းစွာဖြင့်ပင် သနားနေမိရသေးသည်။ ရေတစ်စည်ရရန်အတွက်၊ ရေချိုးရန်အတွက် ပျိုပျို ၊ အိုအို၊ လူကြီး၊ လူငယ်၊ လူလတ်မရွေး ရွာပြင်ထွက်ကာ နောက်ကျိနေသော ဥရုရေပြင်ကို နေစဉ်မှီခိုနေရဆဲ။

လူပင်လျှင် သေဆုံး ရသည်။  သဘာအလျောက်ဖြစ်ပေါ်လာသော မြစ်များချောင်းများ၊ ရေအိုင်များ ကော လာကြရသည်ကိုတော့ တရားနှင့်မဖြေနိုင်ပေ။ မြစ်များ၊ ချောင်းများ၊ လေထုညစ်ညမ်းမှုများသည် လူများကပင် ပြုလုပ်နေကြ၍ ယနေ့တွင် ခပ်မြန်မြန်ကြီး ပျက်စီးယိုယွင်းနေရခြင်းဖြစ်သည်။ ဥရုချောင်းဆိုလျှင်ပင် ယခင်က ကြည်လင်အေးမြသော ရေပြင်အဖြစ်မှ ယခုတွင်မူ နောက်ကျိ၍ သောက်သုံး၍မရအောင်ပင် ရေမှာ တိမ်၍ ကောလာရန်အကြောင်းများကို ပြသနေပေပြီ။ ယခုမှ ဥရုချောင်း ဆည်ယူရေးကို အပူတပြင်းကြိုးစားနေကြသည်။

ချောင်းရိုးတစ်ချောက် မြေကော်စက်များဖြင့် ၀ဲမှယာ ဆည်ယူလျှက် လုပ်အားပေးနေကြရသည်။ အဓိက တရားခံသည်ပင် လူဖြစ်သောကြောင့် လူများက ချောင်းကို ပြန်လည်ပြုပြင် ကယ်ဆယ်ရသည်မှာ သဘာဝကျကောင်းကျနိုင်ပါသည်။ သို့သော် အကောင်းပကတိဖြစ်လာရန်မှာ ၅၀ရာခိုင်နှုန်းပင်မရှိတော့သည့်အခြေအနေဖြစ်နေသည်။

မိုးရာသီ၌ ဖားကန့်မြို့၊ လုံးခင်း၊ ဆိုင်းတောင် စသည်မြို့များ ရေကြီးရခြင်းအကြောင်းအရင်းကိုရှာဖွေကြည့်ပါ။ ဥရုချောင်းတစ်လျှောက် ကျောက်စိမ်းလုပ်ကွက်မှာမှ သယ်ယူလာသော မြေစာများကို စွန့်ပစ်ခြင်း၊ ရွှေမြောများ တိုက်ချခြင်းများကြောင့်ဖြစ်ပေါ်ကြောင်း ထင်းထင်းကြီးတွေ့နိုင်သည်။ သဘာဝ ပတ်ဝန်းကျင် ထိန်းသိမ်းရေးမူသည်နောက်မှာကျန်ခဲ့သည်။ မိုးရာသီတွင် တိမ်ကောနေသော ဥရုချောင်းရေပြင်သည် တောင်ကျရေများကြောင့်လည်းကောင်း၊ စွန့်ပစ်မြေစာပုံများမှ မြေနှင့်အတူရော၍ စီးဆင်းလာသော နောက်ကျိရေများကြောင်လည်းကောင်း ချောင်းရေပြင်မြင့်တက်လာခါ ရေကြီးရတော့သည်။ အကြောင်းရင်းမှာ ရေစီးရေလာမကောင်းခြင်းပင်ဖြစ်ပေလိမ့်မည်။

ဒေသခံပြည်သူများအဖို့ လမ်းပန်းဆက်သွယ်ရေး အခက်အခဲများနှင့် ရင်ဆိုင်နေရသည်မှာ မိုးရာသီတွင် ပိုပါသည်။ ရေကြီးသဖြင့် မော်တ်ာစီးနှင်းခများ၊ ဆိုင်ကယ်ကယ်ရီခများ ပိုမိုမြင့်တက်ရသည်။ ရှေ့တွင် မြင်နေရပါသော လိုရာခရီးကိုပင် တကွေ့တပတ်ဖြင့်  ကွေ့ခါ ၀ိုက်ခါ သွားလာရသည်မှာ ကသီလင်တ များလှသည်။ ထိုသည်က တစ်ဒုက္ခ။

ယခုတွင် လေထုညစ်ညမ်းခြင်းဒဏ်ကိုခံနေကြရပြန်ပါပြီ။ မြေစာသယ်ယာဉ်များ၏ အပြိုင်အဆိုင် မောင်းနှင်းမှုအောက်တွင် ဖုန်လုံးများက တလိပ်လိပ်ထနေသည်။ တစ်ချို့က ကားလမ်းကို ရေဖျန်းကြပါသည်။ ရေဖျန်းသည် ဆိုသော်ငြားလည်း အဆက်မပြတ်မောင်းနှင်နေသော ကားကြီးများကြောင့် အလျှင်မမီနိုင်ပေ။

ဆိုင်ကယ်ဖြင့် သွားသွား၊ ကားဖြင့်လာလာ နှာခေါင်းစွပ်မပါလျှင် ဖုန်များကြောင့် မွန်ထူနေတော့သည်။ မျက်စိထဲတွင် သဲများ ဖုန်များကြောင့် ကျိန်းစပ်စပ် ယားကျိကျိ။ အထူးသဖြင့် ညနေ ၅နာရီ အလုပ်သိမ်းချိန်တွင် လေထုထဲတွင် နီကျင်ကျင်ဖြစ်နေသော ဖုန်ထုကြီးကို မြင်နိုင်သည်။ လူများကြောင့် လူပင် ဒုက္ခရောက်ရသည်ဆိုသည်မှာ အမှန်ပင်ဖြစ်သည်။

အချိန်မှီပြုပြင်ကယ်ဆယ်ရေးသည်လည်း လုများ၏ တာဝန်ပင်ဖြစ်သည်။ တစ်ဦးတစ်ယောက်နှင့်မရသော် အများနှင့်ရအောင် ဆောင်ရွက်သင့်လေသည်။ သဘာဝ ပတ်ဝန်းကျင်ထိန်းသိမ်းရေးကို ကမ္ဘာက အော်နေကြသည်။ ကမ္ဘာကြီး ပူနွေးလာခြင်းပြဿနာ၊ ငလျင်ပြဿနာ၊ မီးတောင်ပေါက်ကွဲခြင်းပြဿနာ၊ အာတိတ်ဒေသမှ ရေခဲတောင်များ အရည်ပျော်ခြင်း ပြဿနာများကို စောင့်ကြည့်ဆွေးနွေးလာကြပြီ။ သဘာဝ ရေမြေ တောတောင် များ ပေါကြွှယ်လှပါသည်ဆိုသော မြန်မာနိုင်ငံတွင်မူ ထိုအချက်များက ယခုမှ  သတိပြုမိဆဲကာလဟု ထင်မြင်မိသည်။

သစ်တောများ မပြုန်းတီးအောင်မည်သို့လုပ်ဆောင်ကြပါမည်လဲ။ တောင်ကတုံးများနှင့်ပြည့်နေသော ကျောက်စ်ိမ်းလွင်ပြင်ကိုတော့ ကြည့်ရင်း ရင်မောရသည်။ နေပူပူအောင်တွင် သစ်ပင်ကြီးငယ်များမရှိသော တောင်ကတုံးများနှင့် မြေစာပုံများက မျက်စိတဆုံး။ စွန့်ပစ်ပြီးမြေစာပုံများတွင် မည်သည့်ကုမ္ပဏီကမှ အကြီးမြန်သစ်ပင်များ ပြန်လည် စိုက်ပျိုးကြသည်ကိုမတွေ့ရ။ သည်နေရာပြီးလျှင် နောက်တစ်နေရာသို့ပြောင်းရန် နောက်ပြန်လှည့်မကြည့်ကြေး ပြုမူနေကြသည်။

ပူပြင်းမှုဒဏ်ကို ခံစားရသည်မှာ သစ်ပင်များ ပြုန်းတီးသွားကြသောကြောင့်လည်းပါသည်။ တောင်တခြမ်းပဲ့နှင့် တောင်ကတုံးများ ပြည့်နေသော ကျောက်စိမ်းရင်ပြင်တွင် အပူသံလျှပ်များ တရိပ်ရိပ်ထနေကြသည်။

နောက်ကျိသော ဥရုရေပြင်တွင် အမှိုက်များနှင့် ရောပြွန်းလျှက်။ မည်သို့ပင်ဖြစ်စေ အချိန်သည် လက်တွေ့ကျကျ အသုံးချတတ်လျှင် တန်ဘိုးမပြတ်နိုင်သော အရာများကို ရရှိစေသောကြောင့် လူများကြောင့်ဖြစ်ရသော ပတ်ဝန်းကျင်ပျက်စီးခြင်းအတွက် လူများကပင် ပြန်လည်ဖေးမ ကယ်ဆယ်ပါမူ ပြန်လှန် နလံထူလာနိုင်မည်။ကမ်းလင့်မည့်လက်များသာ များများ ကမ်းလင့်ရန် လိုသည် မဟုတ်ပါလား။

သော်ဇင်(လွိုင်ကော်)

Date-15th-March-2012

Time- 8:01Pm

လျှို့ဝှက်သော မိုးနှင့်အတူ

အနောက်တောင်ဆီမှာ မိုးတွေညို့နေသည်။ အိမ်အပေါ်ထပ် ပြတင်းပေါက်မှနေ၍ သည်မြင်ကွင်းကိုကြည့်နေမိသည်မှာ နာရီဝက်လောက်တော့ အသာလေးရှိမည်။ တိမ်သား မည်းမည်းများသည် အလိပ်လိုက် အလိပ်လိုက်ဖြင့် ကောင်းကင်ကြီးတစ်ခုလုံးကို မည်းနက်သွားစေလေသည်။ နောက် လျှပ်ပန်း လျှပ်နွယ်များက ဟိုတစ်ချက် သည်တစ်ချက် ပြိုးခနဲ ပျက်ခနဲ လင်းလက်သွားကြသည်။ မိုးခြိမ်းသံများကလည်း ကြောက်မက်ဖွယ်ရာ မြည်ဟီးလာသည်။ မိုးစက်ကလေးများ တစ်ပေါက် နှစ်ပေါက်..။ ထို့နောက် မိုးစက်များ အိမ်ခေါင်မိုးပေါ်သို့ အဆက်မပြတ် ကျလာကြသည်။ သူမ နားတစ်ခုလုံး တဝေါဝေါဖြင့် ဆူညံ နေလေတော့သည်။ မိုးနှင့်အတူ လေပြင်းခပ်ကြမ်းကြမ်းပါ ဝှေ့ယမ်းတိုက်ခတ်လိုက်သောအခါ သစ်ပင်ကြီး ငယ်များ ဟိုယိမ်း သည်ယိမ်း..။

“မိုးတွေ ရွာလာပြီမောင်…”

 မျက်ရည် တစ်စက်..။ လေပြင်းပြင်းများကြောင့် သူမ၏ ရှည်လျားသော ဆံနွယ်များ ဖွာလန်ကျဲစွာလွင့်ပျံနေကြသည်။ ကောင်းကင်ပြင်ထက်တွင် လင်းခနဲတစ်ချက်…လျှပ်စီးလက်သွားပြန်သည်။

~~~~~~~~~

စက်ဘီးလေး တစ်စီးဖြင့် မိုးရွာကြီးထဲတွင် ထင်တိုင်းကျဲနေသော သူ့ကို ငေးမောကြည့်နေရင်းက သူမပါ ပျော်ရွှင်နေမိသည်။ သည်လို မိုးတွေရွာတိုင်း သူမက အိမ်ကြီးထဲမှာ ကုတ်ကုတ်ကလေး ငြိမ်နေခဲ့ရသည်မှာ ငယ်စဉ်ကတည်းက။ မိုးခြိမ်းသံတွေ ၊ လျှပ်စီးလက်တာတွေကို သူမ ကြောက်သည်။ မည်သို့သော ကြောက်ပုံနည်းမျိုးမှန်း မသိသော်လည်း အသည်းထဲကနေ ဆိမ့်ပြီးတော့ ကြောက်နေမိသည်ကတော့ အမှန်ပင်။ သူ့ကို အားကျမိသည်။ သည်လောက် သည်းသည်းမည်းမည်း ရွာသွန်းနေသော မိုးထဲလေထဲတွင် သူက စက်ဘီးလေးတစ်စီးနှင့် လွတ်လပ်စွာ ။ ဘယ်လောက်တောင် အားကျစရာကောင်းပါလိမ့်။

စက်ဘီးလေးရပ်သွားသည်။ သူ ဘာလုပ်မှာပါလိမ့်..။ ဟင်..။ သူက ကောင်းကင်ပြင်ကြီးထက်ကို မျက်နှာမော့ထားလျှက် မိုးစက်များ၏ အထိအတွေ့ကို ငြိမ်သက်စွာခံယူနေသည်။ ထိုခံစားမှုမျိုး သူမ ဘယ်နှစ်ကြိမ် ခံစားဖူးခဲ့သလဲ.။ သူမ မသိလိုက်မိခင်မှာပင် ခြေလှမ်းများက အိမ်အောက်ထပ်ဆီသို့ ကသော ကမျောနိုင်စွာ ပြေးဆင်းမိလေတော့သည်။ နောက် အိမ်အောက်ထပ်က ကျွန်းတံခါးမကြီးကို တွန်းဖွင့်ပြီး ခြံတံခါးဝမှတဆင့် သူ့ထံသို့..။

“ဟိတ်”

သူ့ တွန့်သွားသည်။ သူမကိုကြည့်ပြီး အံ့သြနေပုံလည်းရသည်။ မိုးသည်းထဲမှာ သူမလို ကောင်မလေးတစ်ယောက် သူ့အနားသို့ ရောက်လာလိမ့်မည်ဟု သူတစ်ခါမှ တွေးမိဖူးပုံမရ။

“ဘာလုပ်နေတာလဲ မိုးရွာကြီးထဲမှာ”

“မြင်တဲ့အတိုင်းပဲလေ…လိုက်လုပ်ကြည့်ပါလား”

သူမ ကြောင်အအ ဖြစ်နေသည်။

“ကျွန်တော့်လို လိုက်လုပ်ကြည့်ပါလားလို့”

သူမ ခေါင်းကို ကောင်းကင်ပြင်ဆီသို့ မော့လိုက်သည်။ မျက်လုံးများကို မှိတ်လားလိုက်သည်။ မိုးစက်များက မျက်နှာပြင်ထက်သို့ တစ်ပေါက်ပြီးတစ်ပေါက် ကျရောက်နေသည်။ အေးစက်သည့် အထိအတွေ့အောက်တွင် သူမ ရင်ခုန် ကြည်နူးသွားခဲ့ရပါသည်။ ထိုစဉ်.

“ဂျိမ်း”

 အသိစိတ်နှင့် ခန္ဓာကိုယ်ကပ်မိသော အချိန်တွင်တော့ သူမ တစ်သက်တာတွင် နွေးထွေးအိစက်သော အထိအတွေ့ကို ပထမဦးဆုံး ခံစားလိုက်ရသည်ဟု သိလိုက်သည်နှင့် တပြိုင်နက် ထိုအချိန်မှ စတင်၍ အချစ်ကို ခံစားမိသည်ဟု သိလိုက်ရတော့သည်။

~~~~~~~~

သူမနှင့် သူ့ကြားတွင် ကောင်းကင်ပြာကြီးရှိသည်။ တစ်ခါတစ်ရံတွင် သူမက သူ့အတွက် တိမ်တိုက်လေးများ ဖြစ်သွားတတ်ပြီး သူက သူမအတွက် မရှိမဖြစ် ကောင်းကင်ပြာကြီးဖြစ်သည်။ အမြဲတစေ ကြည်လင်သာယာနေသော ကောင်းကင်ကြီးကသူဆိုလျှင် သူမက အပြစ်ကင်းစင်သော တိမ်ဖြူဖြူလွှလွှကလေးများ ဖြစ်ချင်ခဲ့သည်မှာအမြဲ။ သို့သော် သူမက တစ်ခါတစ်လေတွင်တော့ မည်းနက်သော တိမ်တိုက်အသွင်သို့ ရုတ်ချည်းပြောင်းလဲသွားတတ်ပြီး အပြစ်ကင်းစင်သော ကောင်းကင်ကြီးကို မုန်တိုင်းထန်စေခဲ့သည်မှာလည်း အကြိမ်ကြိမ်။

မိုးစက်များအောက်မှ စက်ဘီးတစ်စီးနှင့်ကောင်ကလေးတစ်ယောက်သည် သူမအတွက် အချစ်လက်ဆောင်တဲ့။ မထင်မှတ်ထားသော အဖြစ်အပျက်ကလေးက တစ်ဘစာလုံးအတွက် ချစ်သက်လက်ဆောင်လေတဲ့လား..။ မိုးသား တိမ်ရိပ် တိမ်လိပ်တို့ဆင်လာလေတိုင်း သူမက သူ့ရင်ခွင်ကလေးသို့ အပြေးခိုဝင်ရင်း ယုယမှုအနမ်းနွေးနွေးများကို ကျေနပ်စွာခံယူတတ်လေသည်။ မိုးစက်ကလေးများနှင့်အပြိုင် သူမ၏ မျက်နှာထက်သို့ အနမ်းမိုး ခပ်စိတ်စိတ်ရွာသွန်းတတ်ပြန်လေသော သူသည် သူမ ဘ၀ထဲက ရုတ်တရက် ပျောက်ကွယ်သွားလိမ့်မည်လို့ ဘယ်တုန်းကမျှ မတွေးခဲ့။

“မိုးကိုချစ်သလား နို”

“ဟင့်အင်း “

ရုတ်တရက် သူက ထိုသို့ ကောက်ခါ ငင်ခါ ထမေးတတ်သည်။ သူ့မေးခွန်းများကို သူမက ဘယ်တုန်းကမှ ကျေနပ်လောက်အောင်ဖြေဆိုခဲ့လေသူ မဟုတ်ခဲ့။ ထိုသို့ မေးလေတိုင်းလည်း သူ့မျက်နှာတစ်ခုလုံး မှိုင်းရီနေတတ်သည်ကိုလည်း သူမ သတိထားမိခဲ့ရသည်ချည်း။

“မောင်ကတော့ မိုးကိုချစ်တယ်..”

“ဘာကြောင့်လဲ မောင်”

“မိုးရေစက်ကလေးတွေ တစ်ပေါက်တစ်ပေါက်ကျလာရင် မောင်က သိပ်ပျော်တာ.။ တစ်လောကလုံးကို မိုးက စိုပြည်သာယာစေတယ်..။ အေးစက်တဲ့ အထိအတွေ့က မောင့်အတွက်တော့ မေ့မရတဲ့ ခံစားမှုလေးတွေပဲ နို။ မောင် မသွားခင်တော့ မိုးတွေရွာတိုင်း မိုးစက်ကလေးတွေအောက်မှာ တစ်ဝ ကြီး နေသွားချင်သေးတယ်”

“မောင်က ဘယ်ကိုသွားမှာမို့လည်း “

ထို့သို မေးလေတိုင်းလည်း အဖြေသည် ဘယ်တုန်းကမှ မရခဲ့။ သူ့မျက်ဝန်းများ ငေးကြည့်နေရာကိုလည်း သူမက လိုက်လို့ကြည့်တိုင်း ဘာကိုကြည့်လို့ကြည့်မှန်းမသိပေ။ မမြင်ရသော မိုးကုတ်စက်ဝိုင်းတစ်နေရာရာကိုလား။

“မသိချင်ပါနဲ့ နိုရယ် နိုသိတဲ့နေ့ဟာ မောင်လည်း နိုအနားမှာရှိတော့မှာ မဟုတ်ဘူး”

“ဘာတွေလည်း မောင်ရယ်..မောင်က တစ်ခါတစ်ရံ သိပ်ကို သိုသိပ်လွန်းတဲ့ သူလို့ နို ထင်တယ် သိလား ။ အားကိုမရဘူး..”

သူကတော့ သူမ ထိုသို့ပြောသည့်အခါ ရယ်မောလို့သာနေသည်။ ရယ်သံကတော့ဖြင့် ခြောက်ကပ်ကပ် ကွဲအပ်အပ်ဖြင့်…။

~~~~~~~~~

မိုးတွေရွာနေပြီ မောင်။

သူမ ထံမှ မောင် ပျောက်ကွယ်သွားခဲ့သည်မှာ နှစ်နှစ်ကျော်ချေပြီ။ မမြင်ရသော မိုးကုတ်စက်ဝိုင်းတစ်နေရာရာမှာများ သူရှိနေမလား။ သူမ လိုက်သွားချင်ပါသည်။ သို့သော် လောကကြီးက ဆန်းကျယ်စွာဖြင့် သူမကို ကျယ်စယ်ခဲ့လေပြီ.။

သူမ မျက်ရည်များ မိုးနှင့် အပြိုင် ရွာကုန်ပြီ မောင်ရဲ့။ တိတ်ဆိတ်ငြိမ်သက်သော နေရာတစ်ခုမှ ဘယ်သူမှာ မသိအောင် လဲလျောင်းနေခဲ့သည်တဲ့လား။ သိပ်ကိုသိုသိပ်ပါတဲ့ဆိုသော သူသည် သည်မိုးရေစက်တွေအောက်မှာပင် လောကကြီးကို စွန့်ခွာသွားခဲ့သည်တဲ့။

နေ့ရက်တစ်ရက်က အတိတ်မှာ ကျန်နေခဲ့သော်လည်း မေ့မရသော နေ့တစ်နေ့အဖြစ် သူမ၏ ရင်ထဲတွင် ကိန်းအောင်းနေခဲ့သည်။ အမှတ်တရတို့မည်သည် ဘ၀တစ်လျှောက်တွင် ကြီးမားသော အလှည့်အပြောင်းတို့နှင့် ပျော်ဝင်ခဲ့သော အရာများတဲ့။ ထို့သို့ဆိုလျှင် သူမအတွက်တော့ သူသည် မည်သို့သတ်မှတ်ရမည်နည်း။

“ရဲသွင် ဆုံးပြီတဲ့ နင်သိလား နိုနိုခင်”

“ဘယ်လို…”

“ဟုတ်တယ် ရဲသွင်ဆုံးပြီ…ခုတောင် သူ့ရက်လည်နေ့လေ”

သူမ ကြောင်အအနှင့် ဖုန်းခွက်ကလေးကိုကိုင်ထားဆဲ။ မဟုတ်ပါ။ သူ အပန်းဖြေခရီးထွက်သွားတာပါ။ သူမက ဘူးခံပြီး ငြင်းဆိုဆဲ..။ သူငယ်ချင်းဖြစ်သူကလည်း အသေအချာသိခဲ့သောအကြောင်းကို သက်သေ များစွာထူပြီးပြောနေချေပြီ။

“နင်ဘာသိလို့လည်း နိုနိုခင် ရဲသွင်မှာ ဘရိန်းကျူမာ ရှိတယ်တဲ့ နောက်တစ်ခုက ကုသလို့မရနိုင်တော့ဘူးတဲ့..။ ခုတော့ သူက ရောဂါကြောင့်မသေပဲ ကားအက်စီးဒင့်ဖြစ်ပြီးဆုံးရှာတာတဲ့ ။ ခုတောင် ငါ့သူငယ်ချင်း ညိုမာလာရင်းပြောပြသွားတာ နင်သိလောက်တယ်ထင်လို့လေ..။”

သူမ မကြားရဲတော့ပါ။ နောက်မှ သိလိုက်ရသည်က သူ သေရမယ့်အတူတူ ဘာကြောင့်သေသလဲဆိုတာ သူမ မသိစေချင်၍ ကျန်ရစ်သူမိသားစုနှင့်သူငယ်ချင်းများကိုတောင် သူမဆီသို့ အကြောင်းမကြားစေခဲ့ခြင်းတဲ့။

သူမ ရင်ထဲမှာ မိုးတွေ ရွာနေသည်။ လွန်ခဲ့သော သုံးနှစ်ခန့်က စက်ဘီးလေး တစ်စီးနှင့်ကောင်ကလေးက ခုတော့ သူမနှင့်အတူ မိုးစက်များကိုသာ ချန်ရစ်ခဲ့သည်။ ခုတော့လည်း မိုးလေပြင်းပြင်းထဲမှာ သူမ လျှောက်သွားရဲခဲ့ပါပြီ။ ထို့သို တစ်ယောက်တည်း လျှောက်ဖြစ်ခဲ့သည့် နေ့တွေတိုင်း သူက အနားမှာ လာရောက်အဖော်ပြုပေးသကဲ့သို့ မိုးစက်များကလည်း သည်းသည်းမည်းမည်းရွာသွန်းဆဲ။

ဟော မိုးတွေရွာ လာပြန်ပြီမောင်..။

သော်ဇင်(လွိုင်ကော်)

Date-14^th-March-2012 Time-6:37Pm

လမ်းဆုံး

သူ ခေါ်တော့ လှည့်ကြည့်

ငိုယိုပြီး ပြုံးတော့ 

မျက်ဝန်း ထောင့်ကလေးက လှတယ်...။

ဘာကြောင့် ငိုသလဲကွယ်....

ရင်နင့်အောင်ခံစား....ဘ၀ရဲ့ထိုးချက်က

ငိုလောက်စရာ အဖြစ်နဲ့

ကြွှေလောက်တော့မယ့် ဖြစ်အင်မှာ 

နောက်ကျောဘက်က လက်တစ်စုံ

ကမ်းလင့်တယ်ဆို လိုက်ရဲမလား...။

ပန်းဆိုတာ ပင်မြင့်ထက်မှာ 

ပိုလို့လှ

သဘာဝဆိုတာ လည်နေတဲ့ စက်ဝိုင်းတစ်ခုဆို

မျက်ရည်ကျတယ်ဆိုတာလည်း 

ခဏပါကွယ်...။

ကဲ လိုက်ခဲ့

အတိတ်ကို ချန်ခဲ့ပြီး

လျှောက်ကြမယ် အနာဂတ်ထဲ

မင်းလိုက်ဝံ့တယ်ဆို

မိုးကုတ် စက်ဝိုင်းတစ်နေရာမှာ

လည်ပတ်ခြင်းမဆုံးမီ အတူသွားစို့

မင်း လက်ဖမိုး နုနုကလေးနဲ့

စိုလက်စ မျက်ရည် 

ဆတ်ခနဲ သုတ်လိုက်ဦး..။

“စက္ကန့်ပိုင်းလေး”

(၁)

          မကြာလှသေးတဲ့ အချိန်လေးအတွင်းမှာ ဖြစ်ပျက်မှုက မြန်ဆန်လွန်းလှတယ်လို့ ထင်မိတယ်။ မြန်လိုက်တဲ့အချိန်ကလေး။ အဲဒီအချိန်လေးအတွင်းမှာ အံ့သြဘနန်းဖြစ်မှုတွေ၊ အားမလို အားမရဖြစ်မှုတွေ၊ စုပ်တသပ်သပ်ဖြစ်မှုတွေနဲ့ လူတိုင်းအလုပ်ရှုပ်သွားခဲ့တယ်။ စက္ကန့်ပိုင်းကလေး၊ မိနစ်ပိုင်းကလေးပါ။ အဲဒီအချိန်လေးမှာ ဖြစ်ပျက်သွားတာတွေကို ယုံကြည်နိုင်ဖို့ခဲယဉ်းပေမယ့် ယုံကြည်ဖို့ရန်အကြောင်းလဲ အခိုင်အမာရှိတယ်။ ဘယ်သူက ငြင်းရဲမလဲ။ ဒီလိုဖြစ်သွားတာ မယုံနိုင်ပါဘူးလို့ ဘယ်သူက ပြောဦးမလဲ။ လွတ်လပ်စွာ ငြင်းခုန်လို့ရပေမယ့် ငြင်းခုန်ခြင်းရဲ့နောက်ကွယ်မှာ တိကျသေချာလှတဲ့ အဖြစ်အပျက်ကရှိလေတော့ အမှားတစ်ခုကို သိသိရက်နဲ့ ဘယ်သူမှ အမှန်လို့မပြောရဲကြဘူး။

          မြင်နေရတဲ့ မြင်ကွင်းတစ်ခုမှာ တစ်ခါဆို တစ်ခါဖူးမျှမရောက်ဖူးတဲ့ မြင်ကွင်းမို့ အတွေးထဲမှာ လှိုင်းဂယက်ကလေးတွေထသွားရတယ်။ ဘယ်သူမှ မပိုင်တဲ့မြေတစ်နေရာမှာ လူတွေ စုရုန်းကြပါတယ်။ လူတိုင်းရဲ့ မျက်နှာအောက်က မြုပ်ကွက်ကလေးတွေကို ပင်ပင်ပန်းပန်း၊ ခက်ခက်ခဲခဲ အဖြေရှာစရာမလိုပါဘူး။ အထင်သားပေါ်နေတဲ့ မျက်နှာပေါ်က ခံစားမှုတွေကို မြင်နေရတယ်။ ၀မ်းနည်းခြင်း။ ယူကျုံးမရဖြစ်ခြင်း။ အဲဒီခံစားမှုတွေကို မြင်နေရတယ်။ မကြုံနိုင်သေးဘူးလို့ ထင်နေသူတစ်ချို့ကို ရုတ်တရက် တပ်လှန့်လိုက်သလိုဖြစ်သွားတယ်။ ကြီးငယ်မရွေးဆိုတာကို နားလည်သဘောပေါက်ပြီးသား သူတစ်ချို့ကို အသစ်အသစ်သော ခံစားမှုတွေကိုပေးတယ်။

          မွေးဖွားခြင်းနဲ့ သေဆုံးခြင်းကြားက ဘ၀တစ်ခုကို အဆုံးသတ်ပေးလိုက်သလို ဒီဖြစ်ရပ်ကလေးက ပြနေတယ်။ နေ့ချင်းညချင်း။ အချိန် စက္ကန့်ပိုင်း၊ မိနစ်ပိုင်းကလေးပါ။ မနေ့က ပျိုမျစ်နုနယ်၊ လှပချောမောနေတဲ့ ဘ၀တစ်ခုရဲ့ မျက်နှာက ယနေ့မှာတော့ ပျက်စီးခြင်းဆိုတဲ့ ပြယုဂ်တွေကို ပြသတယ်။

          တိတ်တိတ်ဆိတ်ဆိတ်ရှိလှတဲ့ ဒီနေရာလေးမှာ အပြီးတိုင် အဆုံးသတ် နေသွားရမယ်လို့ ဘယ်သူက တွေးဖူးမှာလဲ။ တကယ်တော့ ဘ၀တွေဟာ လှပမှုကိုအမြဲမပေးဘူး။ မြင်နေရတဲ့ မြင်ကွင်းကလေးက မျက်နှာကလေးဟာ ပျိုမျစ်နုနယ်တုန်းက ပကတိဖြူစင်ခဲ့ပါရဲ့။ ဟောဒီ တစ်မြို့တစ်ရွာမှာ ဘ၀တစ်ခု ရှင်သန်ထမြောက်ဖို့ ကြိုးကြိုးစားစားရုန်းကန်ခဲ့ရတဲ့ မျက်နှာကလေးပေါ့။ မျက်နှာကလေးမှာ ရိုးသားခြင်းဂုဏ်နဲ့ မိသားစုအတွက်ဆိုပြီး ဒီ တစ်မြို့တစ်ရွာကိုရောက်ခဲ့ရသူပါ။

          မျက်နှာကလေးရှိတဲ့ မြို့ကလေးမှာ အသိုင်းအ၀ိုင်း၊ အချွေအရံ၊ ဆွေမျိုးမိတ်သင်္ဂဟတွေနဲ့ စည်စည်ကားကား နေပျော်ခဲ့ပါရဲ့။ မျက်နှာကလေးနေတဲ့မြို့ကလေးကနေ ဒီမြို့ကလေးကိုရောက်ခဲ့တာ မကြာလှသေးသော အချိန်ကာလလေးတစ်ခုကပါ။ ရိုးရိုးသားသား ရှာဖွေစုဆောင်းခဲ့တာတွေဟာ အိမ်ပြန်ချိန် မျက်နှာပန်းလှပြီး ပတ်ဝန်းကျင်မှာ ပွဲလယ်တင့်စေဖို့ပါ။ အိမ်ပြန်ချိန်ဆိုတာ မျက်နှာကလေး စိတ်ကူးယဉ်ခဲ့ရတဲ့ အရေးကြီးတဲ့ အကြီးမားဆုံး ရည်မှန်းချက်တစ်ခု။ မျက်နှာကလေးရဲ့ ရည်မှန်းချက်ကလေး အကောင်အထည်မဖော်နိုင်မှီကလေးမှာပဲ မမြင်ရတဲ့ ကံအကြောင်းတရားတစ်ခုက ၀င် မျက်လှည့်ပြသွားလေရဲ့။ ပဉ္စလက်ပညာသည်တစ်ယောက်ရဲ့ လှည့်ကွက်ကလေးတစ်ခုမှာ  လည်စင်းပေးခဲ့ရတဲ့ မျက်နှာကလေးဟာ တစ်နေ့ ဒီလိုကြုံမယ်မှန်း သိရင် ဒီအရပ် ဒီဒေသ၊ ဒီမြို့ကလေးကို ဖက်တွယ်ထားခဲ့ပါ့မလား။

         

(၂)

ဖြစ်ရလေ မျက်နှာကလေးရယ်လို့ ငိုချင်းရှည်နဲ့ ငိုကြွေးနေပေမယ့်လို့ မထူးခြားတဲ့အခြေအနေတစ်ခုမှာ သံဝေဂယူ ဖို့ရာကလွဲလို့ တစ်ခြားအကြောင်းမရှိဘူး။ မြေနီနီ ကျဉ်ကျဉ်အောက်မှာ အိပ်စက်လဲလျောင်းသွားခဲ့တဲ့ မျက်နှာကလေးရဲ့ မှာတမ်းကို ဘယ်သူမှ မရခဲ့ဘူး။

ဝေဒနာဆိုတာကို အံကျိတ်ခံစားရင်း နောက်ဆုံးအချိန်ဆိုတာကလေးကို မျက်နှာကလေး သိသွားခဲ့ပါလေစ။ နှိပ်စက်ဖိစီးခဲ့တဲ့ ဝေဒနာတွေရဲ့အောက်မှာ မျက်နှာကလေး ဘယ်လို ခံစားခဲ့ရသလဲ ဘယ်သူမှမသိပါဘူး။ မျက်နှာကလေးကို သံယောဇဉ်ရှိတဲ့သူတွေ၊ မျက်နှာကလေးကို ခင်မင်ရင်းစွဲရှိတဲ့သူတွေကို နုတ်ဆက် စကားလေးတွေတောင် အချိန်ယူ ပြောမသွားခဲ့ပါဘူး။ တဒင်္ဂအချိန်ကလေးမှာ တစ်ခဏလေး ဖြစ်သွားခဲ့တာပါ။

ခု မျက်နှာကလေးရှိတဲ့ နေရာလေးတစ်ခုကို မျက်နှာကလေး မသိတော့ပါပဲ ကျန်ခဲ့တဲ့သူတွေက ထားခဲ့ကြတော့မယ်။ ပြန်လည်ခေါ်ဆောင်လို့မရတော့တဲ့ နေရာကလေးတစ်ခုမှ ချန်ရစ်ထားခဲ့ရတော့မယ်။ မျက်နှာကလေး အဆုံးသတ်နေခဲ့ရတော့မယ် နေရာဟာ ဒီလို ဝေးလံသီခေါင်တဲ့နေရာတစ်ခုမှာဆိုတာ မသိခဲ့ရဘူး။ ဘယ်သူမှလဲ မသိနိုင်ဘူး။ မျက်စိမှိတ်လဲလျောင်းရမယ့်နေရာဟာ ဒီနေရာလို့ အပြီးမှတ်လို့မရမှန်း သိလိုက်တယ်။ ဒီမြို့လေးမှာလည်း ဖြစ်နိုင်သလို၊ သွားရင်းလားရင်း ခရီးသွားဟန်လွဲဖြတ်သွားရတဲ့ နေရာလေးတွေမှာလည်ဖြစ်နိုင်တယ်။

ဖောက်လွဲဖောက်ပြန်ရှိလှတဲ့ ခန္ဓာတစ်ခုကို မြဲတယ်လို့ မမြင်မိတော့ဘူး။ ၀တ်ကောင်းစားလှတွေဝတ်ပြီး ပျိုပျိုလာတယ်။ လှလှလာတယ်လို့ ထင်ခဲ့မိတယ်။ မျက်နှာမှာ ဖြူဖြူဖွေးဖွေး ကာလာတွေခြယ်ပြီး လှပမှုကို သရဖူဆောင်းနေတယ်လို့ မြင်ခဲ့တယ်။ စားကောင်းသောက်ကောင်းတွေစားပြီး အသက်ရှည်စွာ အနာမဲ့ရေးအတွက် ဂရုစိုက်မိခဲ့တယ်လို့ ထင်မိခဲ့တယ်။တစ်ရက်တစ်ရက် ပိုပိုလှလာတယ်။ ကျန်းမာလာတယ်လို့မြင်ခဲ့တယ်။ ရှိပြီးရင်းရှိနေတဲ့ ပစ္စည်းဥစ္စာတွေကို စားမကုန် သောက်မကုန်တော့ဘူးလို့ မှတ်ယူခဲ့တယ်။

တကယ်တော့ အလှတွေယုတ်လျှော့လာတဲ့ မျက်နှာကို ကာလာတွေတင်ပြီး ရုပ်ပျက် ဆင်းပျက်ဖြစ် လာတာတွေကို ပြန်ဖုံးတာပါ။ ၀တ်ကောင်းစားလှတွေဝတ်ပြီး ချိနဲ့နေတဲ့ ခန္ဓာကို အမြင်တင့်အောင်လုပ်နေတာပါ။ စားကောင်းသောက်ကောင်းတွေ သောက်စားပြီး အသက်ဆက်နေတာပါ။ နာဖူးပြင်ပေါ်မှာ အရေးကြောင်းတွေ တစ်နှစ်တစ်ကြောင်းပိုလာတာတွေကို မေ့နေတာပါ။ ပိုပိုရင့်လာတဲ့ရုပ်ကို မမြင်မိတာပါ။ စိုးရိမ်ပူပန်စိတ်နဲ့ ဥစ္စာပစ္စည်းတွေ တိုးတိုးရှာနေတာ ဆင်းရဲမှုကိုမွေးမြူတယ်ဆိုတာ မသိခဲ့တာပါ။ ဆင်းရဲမှုတဲ့။ မျက်နှာကလေး ဆင်းရဲခဲ့ပါတယ်။

လှပမှုအတွက် စိတ်တွေ ဆင်းရဲခဲ့တယ်။ မပြည့်စုံမှုအတွက် ပူပန်ဆင်းရဲခဲ့တယ်။ လိုချင်တပ်မက်မှုအတွက် အတွင်းစိတ် ဆင်းရဲခဲ့တယ်။ ရတာမလို၊ လိုတာမရလို့ ဆင်းရဲရတဲ့ အကြောင်းတွေအတွက် ဖြေသိမ့်စရာဆိုတာ ဆရာကောင်းသမားကောင်း မတွေ့ခဲ့ရဘူး။

သွန်သင်ဆုံးမမဲ့သူ အနီးအနားမှာ မရှိခဲ့ဘူး။ အပူတွေဖိစိးလို့ ယိုယွင်းလာတဲ့ ကျန်းမာရေးကို ပညာပေးအသိနဲ့ ခိုင်မာကျန်းမာလာအောင် ပြန်မလုပ်ခဲ့မိဘူး။ အသိပညာ နုံနဲ့ခဲ့တဲ့ မျက်နှာကလေးမှာ မိတ်ကောင်းဆွေကောင်းတွေ ရှိခဲ့ပေမယ့် တကယ်တမ်း မိတ်ကောင်းဆွေကောင်းတွေရဲ့ ကူညီဖေးမမှုကို မျက်နှာကလေးမရခဲ့တာ ဘာကြောင့်များပါလိမ့်။

(၃)

မပြည့်စုံခြင်းဆိုတာကို မျက်နှာကလေးက ဆင်းရဲမှုလို့မြင်ခဲ့မိပေမယ့်လို့ ချမ်းသာမှု ဆိုတာကိုတော့ ဆင်းရဲမှုလို့ မမြင်ခဲ့မိဘူး။ မျက်နှာကလေးတာ အမှတ်သညာကြီးခဲ့မယ်ဆိုရင် ပြောခဲ့ဖူးတဲ့ အကြောင်းအရာလေးတစ်ခုကို အမှတ်ရခဲ့ဦးမယ်။ ပြောခဲ့ဖူးတဲ့ အကြောင်းကလေးတစ်ခုကို ပြန်လည် အမှတ်ရမိတဲ့အခါမှာ မျက်နှာကလေးရယ် အသိကလေးတစ်ခုတော့ ထားခဲ့ပါဦးလားလို့ ယူကျုံးမရတဲ့ လေသံမျိုးနဲ့များ ပြောမိဦးမလားမသိဘူး။

တကယ်တော့ စက္ကန့်ပိုင်းလေးအတွင်းမှာတင် အသီးကင်းတွေ တဖြုတ်ဖြုတ်ကြွေပြီး အမှည့်လွန် သစ်သီးတွေလည်း မြေခနေကြရနေပြီ။ အပွင့်တဝေေ၀ ရှိနေတဲ့ သစ်ပင်မှာ အကင်းတွေ တဖြုတ်ဖြုတ် ကြွေနေခဲ့တာလည်း မြင်နေကြရပြီ။

အချိန်ဆိုတာ ပုံမှန်လည်ပတ်မှုရှိနေတဲ့ ယန္တရားကြီးပါ။ စက္ကန့်ပိုင်းကလေးရယ်လို့ ပေါ့ပေါ့သေးသေး မမှတ်လိုက်ပါနဲ့။ တစ်မိနစ်ရယ်လို့ ပေါ့ပေါ့ဆဆ အမှတ်လိုက်နဲ့……အဲဒီ  မထင်မှတ်တဲ့ မိနစ်ပိုင်းလေး၊ စက္ကန့်ပိုင်းလေး အတွင်းမှာကိုပဲ………အသီးကင်းတွေ၊ အဖူးလေးတွေ၊ ၀င်းဝါလတ်ဆတ်နေတဲ့ အပွင့်ကလေးတွေဟာလည်း………တဖြုတ်ဖြုတ်ကို ကြွေလို့နေကြပါပြီ…။

သော်ဇင်(လွိုင်ကော်)

Date- 28^th-Jan-2012

Time- 6:13PM

ကွန်ပျူတာ နည်းပညာဆိုင်ရာ Link များ

This summary is not available. Please click here to view the post.

သားအဖ နှစ်ယောက်၏ ရင်နာစရာကောင်းသော… တွေ့ ဆုံမှု

( ကျေးဇူးတင်လွှာ )

DROWNING RUTH ( သို့ မဟုတ်) ဆောင်းညရှိုက်သံ စာအုပ်နှင့် ပသက်သက်သော ဆောင်းပါး (၃)ပုဒ်

ရေးခွင့်ပြုခဲ့သူ မြန်မာဘာသာပြန် စာရေးဆ၇ာမ ၀င့်ပြုံးမြင့် အား ကျေးဇူးတင်ပါသည်။

ကျွန်တော်..ခံစား ရေးသားခဲ့သော ဆောင်းပါးများကို တင်ပြခွင့်ပြုခဲ့သော… www.mandalaygazett.com ၏

အယ်ဒီတာ ဦးခိုင် နှင့် ကျွန်တော် ရေးသမျှကို ဖတ်ရှု / ခံစား / ဝေဖန်ပေးကြသော ရွာသူ ရွာသားများ..၊ စာဖတ်သူများ အားလုံ့းကို လည်း ကျေးဇူး
တင်ရှိပါသည်။

ကျွန်တော့်ကို မူရင်းစာအုပ် ပေးဖတ်ခဲ့သော ကျွန်တော့် စာပေမိတ်ဆွေ နှင့် ကျွန်တော် လိုအပ်သော အချက်အလက်များကို ကူညီပေးသော

မိတ်ဆွေများ အားလုံးကိုလည်းကျေးဇူးတင်ပါသည် ။

ကျွန်တော့် ပို့ စ် ( အားလုံးဖတ်သင့်တဲ့ စာအုပ်ကောင်းတစ်အုပ့့်http://mandalaygazette.com/87208/arts-humanities) ကို

သတင်းစာ တွင် ပုံနှိပ် ဖော်ပြပေးသော ဆ၇ာ ခိုင် ကို လည်း
ကျေးဇူး များစွာ..တင်ပါကြောင်း…….။
_________________________________________________________

( ခံစားရသော ဇာတ်လမ်း )

ကလီမင့်အိုဝင် တာဝန်မယူ ခဲ့သောကိုယ်ဝန်ကို အေမန်ဒါ က ရအောင် မွေးသည်။

သို့ သော်…အေမန်ဒါ၏ ဂုဏ်သိက္ခာ အရ..ထိုကလေးကို ညီမ မက်တီက ( မက်တီ၏ သမီး အဖြစ် ) မွေးစားမည်။

အေမန်ဒါသည်.သမီး.ကလေး၏ အမေ အဖြစ် မခံယူ ရ။

ထိုည က ကလေးကို မွေးပြီးသောအခါ… သမီးကလေး ၏ မျက်နှာကို မြင်လိုက်ရရုံဖြင့် အေမန်ဒါ့  စိတ်များ ..ပြောင်းလဲ.သွားပါသည်။

ကလေးကို ဘယ်သူ့ ကို မှ မပေးနိုင်ဘူး။ ဒါ…ကိုယ် ပိုင်တဲ့ ကိုယ့်သမီးကလေး….။

အဲဒီနောက်….မွေးကာစ သမီးကလေးကို ချီပြီး..ညမှောင်မှောင်ထဲ..ထွက်ပြေးတော့သည်။ ပြေး မည်။ အေမန်ဒါ့ အကြောင်း မသိနိုင်သော အဝေးတစ်နေရာဆီ

…… ………………. ……….. …….. ပြေးမည်။

သို့ သော်…အေမန်ဒါ ထွက်ပြေးတာကို မက်တီ နှင့် ရုသ် တို့  သားအမိ က တွေ့သွားပြီး..ပြေးလိုက်ပါသည်။

မသွား ဖို့ တား..သည်။ မရ ။ အေမန်ဒါ ..ပြေးသည်။ မက်တီ တို့ သားအမိ ပြေး၍လိုက်သည်။

ထိုအချိန်မှာပင်….. ( ခဲနေသော ရေခဲပြင် / အရည်ပျော်သွားသော ) ရေထဲသို့ …မက်တီနှင့် ရုသ် တို့  နစ်..သွား ..သည်။

အေမန်ဒါ အပြေးရပ်ပြီး…( မွေးကာစ သမီးကလေးကို ရေခဲပြင်ပေါ် ချ..ပြိး ) ညီမ နှင့် တူမလေးကို ကယ် ပါသည်။

ရုသ် ကို အရင် ဆုံး ကယ်လိုက်နိုင်သည်။

ရုသ်ကို ပွေ့ ထားရင်း…….၊

ရေခဲ အရည်ပျော်တွင်းဝမှာ…မှောက်လျက်သားဖြင့်…မက်တီ့ကို ဆွဲယူနေရင်း…..၊

အေမန်ဒါ့ ရင်ဘတ်အောက်မှ..ရေခဲပြင်က ပဲ့ထွက် အရည်ပျော်လိုက်လာရင်း…………. ………………..

ဤအတိုင်းသာ ဆက်သွားနေလျှင်… အေမန်ဒါရော..၊ မက်တီရာ..ပြီးတော့ ရုသ်ရော…. ၊

လုံးထွေးကာ..ရေ နစ် သေကုန်ကြတော့မည် ။ သူတို့ အားလုံး နစ်သွားလျှင် ရေခဲပြင်ပေါ်…ချထားသော မွေးကာစ ကလေးလေး လည်း သေမည်။

အားလုံး သေကုန်မည်။ ဒါကို မက်တီက တွေးမိသည်။ ထို့ ကြောင့်…

သူမ ကို မလွှတ်တမ်း ဆွဲတင်နေသော အစ်မ၏ လက်ကို ကိုက်ဆွဲ ပစ်လိုက်တော့သည်။ ထိုအခါ….အေမန်ဒါ့လက်ထဲမှ…မက်တီ လွတ်ထွက်သွာားပါတော့သည်။

အားလုံး အားလုံး ထံ မှ…. မက်တီ လွတ်..သွားပါတော့သည်။

_______________________________

မက်တီ နစ်မြုပ်သွားသော အခါ…. အေမန်ဒါသည် ဆောက်တည်ရာ မရ ။

အေးခဲနေသော ကလေး နှစ်ယောက်ကို ရင်ခွင် ထဲ ပွေ့ ပိုက်ရင်း……..

ညီမလေးးးးးးးးးးးရေ…………………………… ဟု ရင်ကွဲမတတ်….

မျက်ရည်များဖြင့်….အော် …ဟစ်….ငို …..ကြွေး..းးးးးးးးးးးးးးးးးးးးးးးးးးးး

___________________________________

ထိုညက မွေးကာစ သမိးကလေးကို အေမန်ဒါ စွန့် လွတ်လိုက်ရသည်။

မိတ်ဆွေ ( မေရီ တို့ ) လင်မယား ထံ ကလေးကို မပေးမီ…. သမီးကလေးကို အင်မိုဂျင်း ..ဟု ခေါ်တွင်စေခဲ့ ပါသည်။

ထို့ နောက်…….. တူမလေးရုသ်ကို တစ်သက်လုံး ပြုစု ပျိုးထောင်လာခဲ့ပြီ….။
__________________________________________

အင်မိုဂျင်းနှင့် တူမလေး ရုသ် တို့  ကျောင်းနေဘက် သူငယ်ချင်းများအဖြစ် ပက်သက်မိသွားသည်။

ထိုအခါ အေမန်ဒါသည်…သမီးရင်းကို တူမ၏ သူငယ်ချင်းမလေးအဖြစ် တွယ်တာခွင့်ရသွားပါသည်။

အင်မိုဂျင်း အပျိုပေါက်အရွယ်တွင်… ကလီမင့်အိုဝင်တို့မိသားစု ထံမှာ…

လက်နှိပ့်စက် စာရေးမလေးအဖြစ်… အလုပ်ဝင်လိုက်ရသောအခါ…… အဖေရင်းနှင့်ငသမီး.ပြန်ဆုံတွေ့ သည်။

သို့ သော်..အဖေရင်းမှန်းမသိ ။ ကလီမင့်ကလည်း သမီးမှန်းမသိပဲ…. အရောင်များစွန်း ထင်းသော ဆက်ဆံရေးဖြင့်

ဆက်ဆံမိတော့သည်။

ကလီမင့်က အင်မိုဂျင်း၏ နုပျို လှပသော တတ်သစ်စ အလှ ခန္မာကိုယ် ကိုတပ်မက်သောအကြည့်များဖြင့် ကြည့် သည်။

ကလီမင့်၏ အကြည့်ကို သဘောပေါက်သွားသော ( သမီးရင်းနှင့် ကလီမင့်တို့ က်ု စိုးရိမ်စိတ်များဖြင့် ချောင်မြေင်းစောင့်ကြည့်နေသော )

အေမန်ဒါက အလွန် တုန်လှုပ်သွားပါသည်။

သမီးနဲ့ အဖေ..ဒါမျိုး ဖြစ်ကို မဖြစ်စေ၇ဘူး…။

ထို့ နောက်…….အေမန်ဒါ ဆုံးဖြတ်ချက် တစ်ခုကို ချလိုက်သည်။
___________________________________________________________

ပြန်လည် မျက်နှာချင်း မဆိုင်ချင်သော်လည်း ကလီမင့် ကိုအေမန်ဒါ သွားတွေ့ သည်။

ချောင်းထဲမှာ ရေကူးနေသော..ကလီမင့်ဆီ အေမန်ဒါ …လှေလှော်ပြီးသွားခဲ့ သည်။

လှေပေါ်..ခေါ်တင်ပြီး..လူသူ ကင်းရှင်းရာ….ဆီ….ချောင်းရိုးအတိုင်းသွားကြသည်။

ထို့ နောက်..လှေပေါ်မှာ အေမန်ဒါ…..

ေ၇ထဲ ဆင်းလိုက်သော ကလီမင့်အိုဝင်……… ။

အေမန်ဒါက လှေပေါ်မှနေ၍ အင်မိုဂျင်းနှင့် ကလီမင့် ဆက်ဆံရေးကို မေးသည် ။ ထိုမေးခွန်းများကို ကလီမင့်က

ရမ္မက်များဖြင့် ဖြေပါသည်။

“” ခုခေတ် မိန်းကလေးငယ် ငယ် ကလေးတွေက ငါ့လို အသက်အရွယ်ကိုလည်း

ပြန်ကြိုက်ပြီး လက်ခံနိုင်မှာပါပဲ ။ အင်မိုဂျင်း ငါ့ကို ပြန်ကြိုက်မှာပါ…. ..။ “”

အဲသည် စကားကို ကြားသောအခါ..အေမန်ဒါသည် အံသြမှုများ .. ၊ ဒေါသများ…၊ တုန်လှုပ်မှုများကြောင့် ..သွေးဆူသွားသည်။

ဒါ……. ဖြစ်မှ မဖြစ်သင့်တာ…။ ဖြေင့် ကလီမင့်၏ ကျောပြင်ကြီးကို တိုက်ချပြိး သတ်ပစ် လိုက်ချင်လာသည် ။

သို့ သော်…တကယ်တမ်း လုပ်ဖြစ်သွားတာက…..

လှေပေါ် မတ်တတ်ရပ်ပြီး…. ( အကြီးအကျယ် စိတ်လှုပ်ရှားစွာ..၊ ဒေါသ ပြင်းထန်စွာ ..) အော်ပစ်လိုက်သည်။

“”" အဲဒါ..ရှင့် သမီး..။ အင်မိုဂျင်းဟာ ရှင်…တာဝန်မယူခဲ့တဲ့ သမီး ..၊ ရင်နဲ့  ကျွန်မရဲ့ သမီးပဲ……..။”"‘”

…………………………………………………………………….

အော်ဟစ်ရင်း…မျက်ရည်များ…ကျ… ၊ ဘာက်ိုမှ မမြင်နိုင်….၊ စိတ်လှုပ်ရှားစွာ…လှေကို ကြုံး…လှော်..၊

ပြေး…ထွက်…ခဲ့့…………..။

ရေထဲမှာ ကလီမင့်အိုဝ် ကျန်ရစ်ခဲ့သည်။ ..အေမန်ဒါ့ စကားကို ကြားပြီး..ကလိမင့် ကျန်ရစ်ခဲ့ပါသည်။

တုန်လှုပ်မှုများ .၊ အံ့သြမှုများ .၊ စိတ်လှုပ်၇ှားမှုများ.၊ရှက်ရွံ့ နာကျင်မှုများ….ဖြင့်..

ကလီမင့်အိုဝင်………ရေထဲမှာ….

ရေ….ထဲ….မှာ…..

_________________________________________

အေမန်ဒါ့လှေထဲမှာ..ကလီမင့်အိုဝင်၏ (သွားလေရာ ယူသွားရသော ) နှလုံးေ၇ာဂါ ဆိုင်ရာ ဆေးဘူးကလေးက

ပါ လာသည်။
__________________________________________________

နောက်ရက်များတွင်….

ကလီမင့်အိုဝင်၏ အလောင်းကောင်ကို ချောင်းရေများ..ထဲမှာ..ပြန်တွေ့ ကြသည်။
_____________________________________

သမီးရင်း ကို စိတ်ဖြင့် ၊ စကားများဖြင့် ပြစ်မှားမိခဲ့သော ကလီမင့်အိူဝင်..

အဖြစ်မှန်ကို ဗြုန်းစားကြီး သိလိုက်ရသောအခါ…နောင်တ များဖြင့် နာကျင်သွားပါလိမ့်မည်။

ရေကူးကျွမ်းကျင်သော..ကလီမင့်…ဘာကြောင့် ရေထဲမှာ သေသွားသလဲ…

အဲဒီနေ၇ာမှာပဲ…ဘာလို့  နစ်သွားသလဲ….

အမှားကြီးကြီး မှားခဲ့သောကြောင့် ကိုယ့်ကိုယ် ကို အပြစိပေးလိုက်တာများလား…

ဖြစ်နိုင်ပါသည်။ ဒါဖြင့် အဲဒီ အပြစ်ပေးမှုက သမီးကို ပြစ်မှားမိသော ယောကျာ်းတစ်ယောက် အတွက် ထိုက်တန်ပြီလား..။ ကျေပြီလား….။
___________________________________________________________

ဆောင်းညရှိုက်သံ စာအုပ်ထဲမှာ ကိုယ့်ကိုယ်ကို ကိုယ်တိုင်ပြန်၍ ဆွဲ နှစ်ခဲ့သော…လူသားများကို တွေ့ ရပါသည်။

မက်တီ….. ၊ ကလီမင့်အိုဝင် ..၊ အေမန်ဒါ… ၊ ရုသ် …တို့သည် ကိုယ့်ကိုယ်ကို ပြန်နှစ်ခဲ့သူများ ဖြစ်သည်။

.( အေမန်ဒါကတော့ ရေထဲ ဆွဲနှစ်ခဲတာမဟုတ်ပဲ..ဒုက္ခဆိုးများထဲ..ကိုယ့်ကိုယ် ကို ဆွဲနှစ်.ခဲ့ ပါသည်။ )

ကျွန်တော်တို့ ကရော….

ဘယ်အရာတွေထဲကို မိမိကိုယ် မိမိ် ဆွဲ နှစ်ချ နေပါသလဲ…။

ကျွန်တော်တို့ အားလုံးသည် ကိုယ့်ကိုယ် ကို ကိုယ်တိုင်ပြန်၍ ဆွဲနှစ်သော ဖြစ်ရပ်များ မဖြစ်အောင် သတိရှိဖို့  လိုအပ်ပါလိမ့်မည်။

_________________________________________________

ဝင့်ပြုံးမြင့် မြန်မာပြန်ထားသော ဆောင်းညရှိုက်သံသည်…ကျွန်တော့်ကို ခံစားချက်များစွာ..၊
အတွေးများစွာ…………….
ရသ များစွာ………………….

များစွာ..များစွာ…ပေးစွမ်းခဲ့ပါသည်။

စာချစ်သူများလည်း ဆောင်းညရှိုက်သံစာအုပ်ထဲမှ ရသများကို ခံစားနိုင်စေရန်….ဝေမျှ တင်ပြခဲ့ပါသည်။