IMPRESSIONISM ..အကြောင်း နည်းနည်းပြောမယ်။

IMPRESSIONISM ..အကြောင်း နည်းနည်းပြောမယ်။

 

အလင်းဆက် ရဲ့  အတွန့် တက်ဆောင်းပါး

ပြင်သစ် ပန်းချီကျော်ကြီး မိုးနေး ( CLAUDE MONET ) – 1840- 1926 ၇ဲ့ 
IMPRESSION SUNRISE လို့ အမည်ရတဲ့ ပန်းချီကား တစ်ချပ်ကို အစွဲပြုပြီး ပေါ်ပေါက်ခဲ့တဲ့ ၀ါဒ တစ်ခု ၇ှိပါတယ်။
မော်ဒန် ပန်းချီ ( မော်ဒန်အနုပညာသမိုင်း ) မှာ ထည့် မပြောလို့ မဖြစ်တဲ့ အင်ပရက်ရှင်ဝါဒ
( IMPRESSIONISM ) ပါပဲ..။
အဟောင်းတွေနဲ့  အဆက်ဖြတ်ပြီး.. လမ်းခွဲ ဖောက်ထွက်လိုက်တဲ့ လှုပ်ရှားမှုတစ်ခု လို့  ဆိုရမှာပါ။
အင်ပရက်ရှင်ဝါဒီတွေ ( IMPRESSIONIST ) တွေက သဘာဝလောက ထဲက အရာတွေကို ပန်းချီ ရေးဆွဲရာမှာ..
အဲဒီအရာတွေ..အပေါ် ကျရောက်နေတဲ့ အလင်း ..အရောင် …အရိပ်တွေ ကိုပဲ…အမိအရ ဖမ်းပြီး…ရေးဆွဲရမယ်..တဲ့ ။
အလင်းတွေရဲ့  လှုပ်ရှားပြောင်းလဲမှုကြောင့်..အရောင်..အရိပ်တွေလည်း လိုက်ပါ ပြောင်းလဲ..ရပါတယ်။
အဲဒီ လှုပ်ရှားမှုရဲ့ …တဒင်္ဂ တစ်ခဏလေးကို ( တဒင်္ဂ တစ်ခဏလေးအတွင်း )
ဖြစ်ပေါ်တဲ့ လှုပ်ရှားမှု..( အလင်း ..အရောင်..အရိပ်..) တွေကိုပဲ…
အမိအရ ဖမ်း ရေးဆွဲကြပါတယ်။
အဲဒါကသာ အဓိက ပဲ…တဲ့။
အဲဒီလို ရေးဆွဲခြင်းရဲ့ အကျိုးဆက်ကတော့..
( အလင်း ..အရောင် ….အရိပ်တွေကိုပဲ..အဓိက ထားရေးဆွဲတော့..)
အကြောင်းအရာ ( SUBJECT / MATTER ) တွေရဲ့  အရေးပါမှု…လျော့ကျသွားပါပြီ။
သူတို့  ၀ါဒ အရ ပန်းချီကားထဲက အရာဝတ္ထုက ဘာမှ အရေးမကြီးဘူး။ မြင်းတစ်ကောင် ဖြစ်ဖြစ်..၊
ပန်းတစ်ပွင့်ဖြစ်ဖြစ်..၊ ရေနွေးအိုးတစ်လုံးပဲ..ဖြစ်ဖြစ်.. အရေး မကြီးဘူး..။ သူတို့ အဖို့  အရေးကြီးတာက..
အလင်း…အရောင်…အရိပ်တွေရဲ့  လှုပ်ရှားပြောင်းလဲမှု……။
စာပေနယ်မှာ ဆိုရင်လည်း…. ဇာတ်လမ်းတို့  ၊ ဇာတ်ကောင်…တို့ ရဲ့ အရေးပါမှုက
လျော့ကျသွားပြီး… ဖန်တီးသူရဲ့  စိတ်အစဉ်မှာ…တဖျတ်ဖျတ် ဖြစ်ပေါ်သွားတဲ့ စိတ်ကူးအာရုံတွေကိုသာ
အမိအရ ဖမ်းဆုပ်နိုင်ဖို့  ကြိုးစားလာကြပါပြီ..။
မော်ဒန် ၀တ္ထုတိုတွေမှာ…ဇာတ်လမ်း မဲ့ လာပါတယ်။ ဇာတ်ကောင် သရုပ်ဖော်မှု ဝေ..၀ါး လာပါတယ်။
သေချာတာကတော့…. အင်ပရက်ရှင်ဝါဒ ပေါ်ပေါက်လာပြီး နောက်ပိုင်းမှာ…
အစဉ်အလာဟောင်း ၊ စံသတ်မှတ်ချက် အဟောင်းတွေကို ချိုးဖျက်ပြီး..
လမ်းရိုးကြီးက ခွဲထွက်လိုက်တဲ့ အနုပညာရှင်တွေ…၊
လမ်းရိုးက ခွဲထွက် ထားတဲ့ အနုပညာပစ္စည်းတွေ….
အရှိန်အဟုန်ပြင်းစွာ….
ဖြစ်ပေါ်လာကြတာပါပဲ..။
အနုပညာဆိုတာကို ဖန်တီးခြင်းတစ်ခု ( CREATION ) အဖြစ် မြင်နိုင်သူ ဆိုရင်…
အင်ပရက်ရှင်ဝါဒ ပေါ်ပေါက် အားကောင်းလာခြင်းကို မမုန်းနိုင်ပါဘူး…။
_______________________________________________
ကျွန်တော် ချစ်တဲ့အရာတွေ ထဲမှာ… အင်ပရက်ရှင်ဝါဒ ( IMPRESSIONISM ) လည်း ပါ…ပါတယ်။
______________________________
ဒီဝါဒ ကို အာလုံးလည်း ကြားဖူး သိဖူးကြလ်ိမ့်မယ် ထင်ပါတယ်။ ကျွန်တော်က ကျွန်တော် သဘောကျမိတဲ့
အနုပညာဆိုင်ရာ အတွေးအခေါ် အချက်အလက် တစ်ခုကို တို့ …ထိ ဖော်ပြတာပါ။
အတွန့် တက် ဆောင်းပါး..လို့  ထင်ရင်လည်း ထင်သွား နိုင်ပါတယ်။
________________________________________
ဘာပဲ..ပြောပြော
အနုပညာ လောက တိုးတက်ဖို့ ရည်ရွယ်သူတွေ ဟာ…

အနုပညာအကြောင်းတွေ..ပြောနေရမယ်..လို့ 
ကျွန်တော် ယူဆပါတယ်။ ။
_________________________________
( အတွန့် တက်…၀ါကျ )
ဒီဝါကျကတော့ အတွန့်တက် ၀ါကျ ပါ။
ကျွန်တော့် ရဲ့  ဒီ ဆောင်းပါးမှာ သုံးထားတဲ့..IMPRESSIONISM ဆိုတဲ့ စကားလုံးကို
DICTIONARY ( အင်္ဂလိပ်မြန်မာ အဘိဓါန် ထဲ့မှာ ဖွင့်ဆိုထားတဲ့ အဓိပ္မါယ်.များအတိုင်း သုံးဖို့  မရည်ရွယ်ပါဘူး။)
IMPRESSIONISM ကို IMPRESSIOMISM ဆိုတဲ့ စကားလုံးအတိုင်းပဲ….သုံးချင်ပါတယ် ။
သမားစဉ်ဆက် လည်း အင်ပရက်၇ှင် ၀ါဒ လို့ ပဲ..ခေါ်ဝေါ်သုံးစွဲကြတာ မှတ်သားခဲ့ရပါတယ်။
————————————
လေးစားစွာ..ဖြင့်…
အလင်းဆက်
alinsett.art@gmail.com
အောက်မှာ…တာရာမင်းဝေရဲ့ ကဗျာ တစ်ပုဒ်ကို ဖော်ပြချင်ပါတယ် ။
ကိုယ်ရေးကိုယ်တာ စာမေးပွဲ
အဲဒီစာအုပ်က
သူ့ကိုယ်သူကဒ်ထူအင်္ကျီနဲ့ပြန်ချုပ်တယ်
အဘိဓါန် နဲနဲလုပ်မလို့တဲ့ … ။
စီးကရက်ကပြောတယ်
သူ့ကို နှုပ်ခမ်းဖျားမှာ တပ်ရင်တပ်ပါ
တံတွေးနဲ့ လာမကပ်ပါနဲ့ … တဲ့
( ဟုတ်တော့လည်း ဟုတ်ပါတယ်လေ )
ဖိနပ်က
လှေကားခြေရင်းမှာ ရပ်တယ်
သူ့အမေက
အလှူအိမ်တွေဖက် မသွားဖို့မှာထားတယ် ။
တီ .. တီ .. တီ
နာရီက သူ့ကိုယ်သူ နှိုးစက်ပေးချင်လှပြီ
မျက်မှန်က နိုးပြီး မျက်လုံးက မနိုးဘူး
ဆိုးလိုက်တာ ။
ဂေါက်သီးရိုက်တံကလည်း
မြေကြီးထရံမှာ သူ့ကိုချိတ်ထားလိုက်ပါတဲ့
“ကျင်း” တွေကို နာခံရတာ “ကျဉ်း” တယ်ဆိုပဲ … ။
ဆေးပုလင်းကို စားပွဲပေါ် တင်ထားလိုက်တော့
ဖော့ဆို့လို
ကျွန်တော့်ကို လွတ်လပ်ခွင့်ပေးပါ … ။
အဲဒီမှာ
ခင်ဗျားအတွက် ခြေကြွခ
လမ်းလျှောက်ပြလိုက်စမ်းပါ
ဆင်မ ယဉ်သာ … ။

မှတ်ချက်။   ။
ဆရာ အလင်းစက်ရဲ့ ဆောင်းပါးလေးတစ်ပုဒ်ပါ။