ဇာတ်လမ်းမရေးခင် ဇာတ်ကွက်ကိုကြိုတင်ရေးသင့်ပါသလား

Written by ၀င်းငြိမ်း

Saturday, 28 May 2011 12:25

Share | စာရေးဆရာ အများစုက ၀တ္ထု တစ်ပုဒ်ကို မရေးခင် ပါဝင်မယ့် ဇာတ်ကွက်များကို ကြိုတင် ချရေးထား တတ်ကြတယ်လို့ ကျွန်တော် သိထားပေမယ့် ကျွန်တော်ကတော့ အဲဒီလို မရေးပါဘူး။ စိတ်ကူးတစ်ခု ပေါ်လာပြီ ဆိုရင် စရေးတော့တာပဲ။ အဲဒီလို စာရေးနည်းဟာ မှန်ကန် ပါသလား သိချင်ပါတယ်။ စာရေးဖို့ ၀ါသနာပါ သူတစ်ယောက်ရဲ့ အဲဒီ မေးခွန်းကို ဆရာမ Brandi Reissenweber က အောက်ပါအတိုင်း ဖြေကြား ပေးပါတယ်။ ဆရာမရဲ့အဖြေကို ပြောမပြခင် ဆရာမ အကြောင်းကို မိတ်ဆက် ပေးချင်ပါတယ်။ ဆရာမ  Brandiက ဂျာနယ်ပေါင်း များစွာမှာ စာရေးသားခြင်း ဆိုင်ရာ ဆောင်းပါးများကို ရေးသား သူဖြစ်တဲ့အပြင် အမေရိကန် ပြည်ထောင်စုရဲ့ နာမည်ကြီး တက္ကသိုလ်ကြီး များမှာ စာရေးသားခြင်း အတတ်ပညာနဲ့ ပတ်သက်လို့ သင်ကြား ပို့ချနေသူ တစ်ဦး ဖြစ်ပါတယ်။ လောလောဆယ်မှာ အီလီနွိုက် တက္ကသိုလ်မှာ ဧည့်ပါမောက္ခ အဖြစ် ပို့ချ ပေးနေသူ ဖြစ်ပါတယ်။ မေးခွန်းနဲ့ ပတ်သက်တဲ့ ဆရာမရဲ့ အဖြေကတော့... ၀တ္ထုတစ်ပုဒ် ရေးသားရာမှာ ဘယ်လိုနည်းနဲ့ ရေးရမယ် ဆိုတဲ့ ပုံသေကားကျ နည်းရယ်လို့ မရှိပါဘူး။ စာရေးဆရာ တစ်ယောက်ချင်းက သူတို့ စိတ်သန်သလို နည်းမျိုးစုံနဲ့ ရေးသား နေကြတာ ဖြစ်ပါတယ်။ အရေးကြီးတာက ဘယ်နည်းနဲ့ ရေးဖြစ်သည် ဖြစ်စေ ၀တ္ထုတစ်ပုဒ် ဖြစ်သွားဖို့သာ အဓိက ဖြစ်ပါတယ်။ တချို့ စာရေး ဆရာများက သူတို့ရေးမယ့် ၀တ္ထု အကြောင်းကို ကြိုတင် သိရှိထားကြပြီး တချို့ကတော့ တစ်ပိုင်းတစ်စကိုသာ သိရှိကာ အစအဆုံး မသိတတ်ကြပါဘူး။ ကျွန်မက Letterpress လို့ အမည် ပေးထားတဲ့ ကျွန်မ ဘလော့ဂ် အတွက်  Stacey Richter ကို အင်တာဗျူး မေးပါတယ်။ သူက Twin Study နဲ့ ဇာတ်လမ်း မရေးခင် ဇာတ်ကွက်ကို ကြိုတင်ရေးသင့်ပါသလား My Date With Satan ဆိုတဲ့ ၀တ္ထုတို ပေါင်းချုပ်နှစ်အုပ် ထုတ်ဝေပေးသူ ဖြစ်ပါတယ်။ Stacey က ကျွန်မ မေးခွန်းကို ဖြေကြားတဲ့ နေရာမှာ သူ့အနေနဲ့ ရေးစရာ အကြောင်းအရာကလေး တစ်ခု ရသွားရင် ၀တ္ထုတို တစ်ပုဒ်ကို စရေးတာပဲလို့ ဆိုတယ်။ ဒီဝတ္ထုက ဘယ်လို အဆုံးသတ် သွားမယ်ဆိုတာကို သူကိုယ်တိုင် အစအဆုံး မသိဘူးလို့ ဖြေကြားခဲ့ပါတယ်။ “ကျွန်မ အနေနဲ့ ရေးနေတဲ့ ၀တ္ထုဟာ ဘယ်ကို ဦးတည်နေတယ် ဆိုတာ သိပါတယ်။ ဒါပေမဲ့ ဘယ်မှာ အဆုံးသတ်မယ် ဆိုတာတော့ မသိပါဘူး။ ကျွန်မက ၀တ္ထုရေးရင် ပဋိပက္ခ ကလေး တစ်ခုနဲ့ အစပြုတတ် ပါတယ်။ စိတ်ထဲမှာ ပေါ်လာတဲ့ အဲဒီ ပဋိပက္ခကလေးက ဘယ်ကိုဦးတည် သွားရမယ် ဆိုတာ ကျွန်မကို လမ်းညွှန် ပေးတယ်။ အလယ်ပိုင်းလောက် အထိပေါ့။ အဲဒီအထိ ရေးပြီးရင်တော့ ဘယ်လို အဆုံးသတ်ရမလဲ ဆိုတဲ့ အပိုင်းကို  ကျွန်မ စဉ်းစားရတာပေါ့။ ရံဖန်ရံခါမှာတော့ ကျွန်မက ကျွန်မ နှစ်သက်တဲ့ ဇာတ်ကောင်စရိုက် တစ်ခုနဲ့ စတတ်ပါတယ်။ ဒါလည်း ဖြစ်တော့ ဖြစ်သွားတာ ပါပဲ။ ဒါပေမဲ့ အများအားဖြင့် အဲဒီလို စဖြစ်တဲ့ ၀တ္ထုတွေဟာ ကျွန်မ စိတ်တိုင်းမကျ ဖြစ်ပြီး ချောင်ထိုး ထားခဲ့ရတာတွေ များပါတယ်”လို့ ဖြေကြားခဲ့ပါတယ်။ Writer မဂ္ဂဇင်းမှာ ဖော်ပြလေ့ ရှိတဲ့ Writer’s Workshop မှာ ၀တ္ထုတိုနဲ့ ပတ်သက်ပြီး Gotham နဲ့ Hannah Tinti တို့ ဆွေးနွေးခန်းကိုလည်း ဖတ်ဖူးပါတယ်။ Hannah က Animal Crackers ခေါင်းစဉ်နဲ့ ၀တ္ထုတို ပေါင်းချုပ် တစ်အုပ် ထွက်ဖူးသလို The Good Thief လုံးချင်း ၀တ္ထုလည်း ရေးခဲ့ဖူးသူ ဖြစ်ပါတယ်။ Hannah က သူမ အနေနဲ့ ၀တ္ထုရေးတဲ့ နေရာမှာ ဘယ်တော့မှ ကြိုတင်ပြီး ဇာတ်ကွက်ချလေ့ မရှိဘူးလို့ ဆိုခဲ့ပါတယ်။ “ကျွန်မ ဘယ်တော့မှ ၀တ္ထုတစ်ပုဒ် အတွက် ဇာတ်အကျဉ်း ရေးလေ့ မရှိပါ ဘူး။ ဒါပေမဲ့ ချရေးတဲ့ နေရာမှာ ဖြည်းဖြည်းချင်း ဖြည်းဖြည်းချင်းနဲ့ စဉ်းစားရင်း ရေးသွားလေ့ ရှိပါတယ်”လို့ ဆိုပါတယ်။ သူမ ရေးသားခဲ့တဲ့  Home Sweet Home ၀တ္ထုမှာ ဆိုရင် လူသတ်မှု တစ်ခုနဲ့ ၀တ္ထုကို စဖွင့်ခဲ့ပါတယ်။ ဒါနဲ့ ပတ်သက်လို့ သူ ပြောပြတာက... “ကျွန်မ ၀တ္ထု စဖွင့်ဖွင့်ချင်းမှာ လူသတ်မှုနဲ့ စလိုက်တယ်။ ဒီတော့ ဒီဝတ္ထုဟာ ဇာတ်ကွက်နဲ့စတဲ့ ၀တ္ထုလို့ ပြောရမှာပေါ့။ ၀တ္ထုမှာ Pat နဲ့ Clyde တို့ အသတ် ခံထားရတယ်။ ဒါပေမဲ့ ဘယ်သူ သတ်သွားသလဲဆိုတာ ကျွန်မကိုယ်တိုင် စိတ်ကူး မရှိသေးဘူး။ ဇာတ်ကောင်တွေရဲ့ စရိုက်ကို တဖြည်းဖြည်း ရေးသား ရင်းကနေ အသေးစိတ် အချက်အလက် များက အသတ်ခံရခြင်းရဲ့ အကြောင်းရင်း များကို ပေါ်လာစေပါတယ်။ အဲဒီ အကြောင်းတွေကို အခြေခံပြီး လူသတ် တရားခံဟာ ဘယ်သူလဲ ဆိုတာ ကျွန်မ ကိုယ်တိုင် စိတ်ကူး ရလာစေခဲ့ပါတယ်။ လူသတ်မှုကို ဖြေရှင်း လိုက်တာနဲ့ တရား ခံဟာ အလိုလို ပေါ်လာပါတယ်။ သတ် ရခြင်းအကြောင်း ခိုင်လုံအောင် ကျွန်မဘက်က လိုအပ်တဲ့ အချက်အလက်တွေ ကိုတော့ ဖြည့်ဆည်း ရတာပေါ့။ ဒါကလည်း သိပ်တော့ မခဲယဉ်းပါဘူး။ ဘာကြောင့်လဲ ဆိုတော့ ၀တ္ထုထဲမှာ ပါတဲ့ ဇာတ်ကောင်များရဲ့စရိုက်အရ ပေါ်လွင် နေလို့ပါပဲ။ ဒါကြောင့် ကျွန်မ အနေနဲ့ နောက်ထပ် ဇာတ်ကွက် ဖြည့်ဖို့တောင် မလိုအပ်တော့ပါဘူး”လို့ ဖြေခဲ့ပါတယ်။ တချို့ ဆရာများက ဇာတ်ကွက်ကို ကြိုတင်ပြင်ဆင် ရေးသားထားတဲ့ အတွက် ရှေ့ဖြစ်မယ့် ဇာတ်ကွက်ကို စဉ်းစားစရာ မလိုတော့ဘဲ ဇာတ်လမ်းထဲမှာ ဇာတ်ကောင်များ ပြောကြားတဲ့ စကားများကို သာ ထိရောက်တဲ့ စကားလုံးများ ဖြစ်အောင် စဉ်းစားဖို့ပဲ လိုပါတော့တယ်။  စာရေးသူက ဇာတ်လမ်းထဲမှာ စီးဝင် မျောပါသွားပြီး ဇာတ်ကောင် တစ်ယောက်ချင်းရဲ့စရိုက်ပေါ်မှာ တိကျတဲ့ ဇာတ်ကွက်တွေနဲ့ ရေးသွားမယ် ဆိုရင် ကိုယ့်ဝတ္ထုရဲ့ ရည်မှန်းချက်ကို တိကျစွာ ရောက်ရှိသွားအောင် ရေးနိုင်မှာ ဖြစ်ပါတယ်။ ၀တ္ထုတစ်ပုဒ် ရေးသားတယ် ဆိုတာက ၀တ္ထုထဲမှာ ဖြစ်ပျက်တဲ့ အဖြစ်အပျက်တွေကို ကိုယ်တိုင် ခံစားနိုင်ပြီး တချို့ အဖြစ်အပျက်များမှာ ကိုယ်တိုင် မခံစားနိုင်ပေမယ့် စိတ်ကူးနဲ့ ခံစား သွားနိုင်ပါတယ်။ ဇာတ်ကွက် ကြိုတင်ရေးတဲ့ ဆရာများ အနေနဲ့ ဇာတ်အဖွင့်မှာ ကိုယ်ကြိုတင် ကြံစည်ထားတဲ့ ဇာတ်ကွက်ထဲကို ၀င် သွားအောင် ပရိသတ် စိတ်ဝင်စားမယ့် အဖွင့်မျိုး ဖြစ်ဖို့ လိုပါတယ်။ တစ်ခါ တစ်ရံမှာ ကိုယ်စိတ်ကူး ထားတာက တစ်မျိုး၊ အဖွင့်မှာ ရေးလိုက်တာက တစ်မျိုး ဖြစ်နေရင် စောစောက ကြိုတင် ကြံစည်ထားတဲ့ ဇာတ်ကွက်ထဲကို စိတ် တိုင်းကျဝင်လာတော့မှာ မဟုတ်ပါဘူး။ ဒါကြောင့် ဇာတ်ကွက်ကြိုတင် ရေးသူများ အနေနဲ့ ကိုယ့်ရည်မှန်းချက်ကို ပေါက်မြောက်အောင် ရေးနိုင်ဖို့ သတိ ထားသင့်ပါတယ်။ ဒါကြောင့် စာရေး ၀ါသနာ ပါသူများ အနေနဲ့ ၀တ္ထု ရေးတော့မယ် ဆိုရင် ဇာတ်ကွက်ကို အရင် ရေးရမှာလား၊ မရေးရဘူးလား ဆိုတာ သံသယ ပွားများ မနေပါနဲ့။ ကိုယ်ရေးတတ်သလို ရေးပါ။ ရေးပါများသွားရင် ဘယ်နည်းက ကိုယ့်အတွက် ပိုအဆင်ပြေတယ် ဆိုတာ ကိုယ့်ဘာသာ နားလည် လာပါလိမ့်မယ်။ အရေးကြီးတဲ့ အချက်ကတော့ ကိုယ်ရထားတဲ့ စိတ်ကူးလမ်းကြောင်းကနေ သွေဖည် မသွားအောင် ကိုယ့်ကလောင်ကို ထိန်းနိုင်ဖို့ပဲ ဖြစ်ပါတယ်။ သွေဖည် သွားပြီဆိုတာ သိတာနဲ့ တစ်ပြိုင်နက် ပြန်ထိန်းနိုင်ရပါမယ်။ ဒါကြောင့် ၀တ္ထုတစ်ပုဒ် အတွက် ဇာတ်အကျဉ်း(သို့မဟုတ်) ဇာတ်ကွက် ရေးသားခြင်းဟာ ရည်မှန်းချက်ကို ပေါက်မြောက်အောင် မရေးနိုင်သေးသူများ အတွက်တော့ အထိန်းအကွပ် ဖြစ်စေနိုင်ပါတယ်။ ကြိုတင်မရေးချင်သူများ အတွက်ကတော့ စိတ်ပေါက်မြောက်ရာ အတိုင်း ရေးလိုက်တဲ့ စာမူဟာ ပထမ စာမူကြမ်းသာ ဖြစ်သင့်ပါတယ်။ ကိုယ်တိုင် ပြန်စိစစ်ပြီး ဖြုတ်သင့်တာဖြုတ်၊ ဖြည့်သင့်တာဖြည့် လုပ်လိုက်မှသာ ၀တ္ထုကောင်း တစ်ပုဒ် ဖြစ်လာပါလိမ့်မယ်။ နှစ်ကြောင်းရေး တစ်ကြောင်းခြစ် စနစ်ကို ကျင့်သုံးနိုင်တဲ့ ၀ါသနာရှင်များ ဖြစ်နိုင်ကြပါစေ။ ၀င်းငြိမ်း (ရွှေအမြုတေ မဂ္ဂဇင်း၊ဇွန်လ ၂၀၁၁)

ရွှေအမြုတေ ဆိုက်ဒ်မှာ ကူးယူဖော်ပြပါသည်